| DoDo 的个人资料DoDo@GraceGarden照片日志列表 |  工具  帮助 |
|
1月17日 Gordon 走了今早突然收到細佬電話, 說 Gardon 走了, 聽到都好突然, 佢叫我打個電話比表姐, 但 8點幾咁早, 諗住晏小小先打比佢.
一返到公司, 就收到表姐電話, 她跟我說噚晚 Gordon 走了
 , 事發都好突然, 話說噚晚表姐照平時咁帶 Gordon 落街散步,返到屋企樓下大堂, 聽到 Gordon 吠了一聲就倒在地上, 點叫佢都冇反應, 即刻帶佢去睇 24 小時既診所急救, 做左心肺復甦都救唔到.
獸醫說 Gordon 唔係心臟病, 有可能係中風.
表姐當然係好傷心啦, 向診所陪左 Gordon 2 個鐘先走, Gordon 遺體今日就送去火化場.
發生得咁突然, 表姐既心情緊係好難話 1 時 3 刻就可以平服啦, 但 Gordon 都唔想見到你咁難過架, 快 d 振作起來啦.
仲記得我媽媽聖誕節去表姐屋企玩, 佢地坐向 sofa, 你用頭仔頂我媽媽隻手, 要佢摸你頭仔, 讚你乖仔,
跟住, 你又用同樣招數向我爸爸咋嬌, 我爸爸摸摸你頭, 也讚你乖, 你逗得他們很開心呢, 笑你傻豬豬哦~
Gordon 你要一路好走, 我會永遠懷念你. Lemon cheese cake花友仔請我吃的, 好好味~ 攪到我都好想試吓整 tim~
12月17日 又開倉12月12 - 17日
呢排真係好忙, 日日 lunch 食完飯就即刻走左出去, 做乜 ?
因為又有手袋廠開倉囉, 佢地日日都會開箱, 拎 d 唔同款既袋出黎賣.
我就做左魔鬼, 幫 d 同事睇 & 簡, 有時唔係買, 都會走去睇吓架 !! 哈哈哈... 12月7日 12月3-5日 - 銀星廚具開倉近年尾, 工廠區都會有好多廠開倉.
而銀星廚具 silver star kitchenwares 今年係第 1 次攪開倉, 可能係金融海嘨既關係吧.
上到去, 好多人, 因為樣樣野都好平, 不锈鐵 5 層镬 $150, 12L 湯煲 $70, 暖水杯 $20 or $30, 保溫湯壺 / 飯壺 $50, 不锈鐵湯穀 / 易潔镬鏟 $5 咋.
當然有好多都係次貨或者係舊貨啦, 例如有小小凹, 又或者係有小小刮花, 要比 d 時間去搵, 因為實在太多人啦, 仲要係手快有, 手慢冇, 場面都幾混亂....
星期 6 行開千色店, 見到原來銀星有擺 counter 架喎, 行埋去 8 吓, 嘩 !! 12L 水煲賣 $39X, 暖水杯 $59 or $89, 不锈鐵湯穀 $39.
呢個牌子正價都唔平架喎 ! 但我媽媽都唔識呢個牌子, 所以只係買左暖水杯 (我用既), 保溫湯壺 (我細佬果邊用既) 及保溫飯壺 (買多左既 XD).....
當然, 買得最多野既就緊係我 d 同事們啦... 打針啦~11月29日 - 打針啦~
今日帶左豆豆去打針, 如常上磅, 冇乜點重過, 仍然係維持向 3kgs 左右.
靚仔 e 生一路幫豆豆 check, 個助手就一路係咁 sale...royal canin 防尿石配方貓糧, 洗耳水, 杜虱 & 杜虫葯.
到最後就緊係一樣都冇買到啦~ 12月1日 差 d 水浸呀今日早上 11 點幾聽到 pantry we 嘩鬼叫, 原來係假天花上面既水喉漏水, 仲好厲害 tim.
同事即刻打電話去管理處叫佢地關水制.
今次又係唔好彩之中既好好彩, 如果遲多 2 個鐘後先漏, 一定水浸都似 ! 11月30日 講大話都要夾吓口供先啦11月26日 - 講大話都要夾吓口供先啦
今日放工返到屋企, 見到部壞左既電視又著得返喎 !
我問爸爸, 佢要我夾 $200 喎 !
到我細佬見到, 佢又問媽媽, 媽媽話 $750, 除 5 份....
我聽到, 緊係問 : 點解要除 5 份呀 ?
媽媽 : 5 個人, 緊係要除 5 份啦 !
我 : 頭先爸爸先叫我夾 $200 咋喎 !
爸爸 : 今次師傅上黎整收 $400 嘛, 咁你未夾 $200 咪岩囉 (向爸爸心目中, 細佬已有頭家, 屋企既野, 都唔會要佢夾既)
我 : 咁媽咪又話 $750, 仲要除 5 份 ?
媽媽 : 上次整收 $350, 加埋今次 $400 咪 $750 囉~ hehehe...緊係 2 次加埋, 比埋上次, 咁我地咪唔使比囉爸爸
我 & 細佬 : 有冇攪錯, 講大話都夾吓口供先啦, 2 條友加埋都過百歲啦, 仲講大話 !! 11月26日 比 $ 都要排成 9 個字隊 ?11月25日 - 比 $ 都要排成 9 個字隊 ?
上星期 6 去拎左份 gift 見到排晒長龍, 間 shop 迫爆人, 又截人, 分批入, 拎完份 gift 就走左, 諗住遲幾日冇咁多人卦....
今日去左 crabtree 度買 x'mas sets, 去到已見排好長龍 (比 $), 好多款都一早賣晒...
簡好要買既野, 就即刻去比 $, 排左成 9 個字先比到 $ 呀...
又話經濟底迷, 點解仲咁多人買野架 ?
其中 3 樣係幫朋友買的
11月25日 發惡夢, 好驚呀 !!11月25日 - 發惡夢, 好驚呀 !!
噚晚發惡夢, 夢見自己交通意外死左呀 !! 啋 !!
d 鬼差容許我向家人交帶身後事, 我同媽媽講我 d 銀行存摺放向邊, 同細佬講叫佢記得搵我保險 agent.
跟住就見返幾個小學同學, 跟住就見到自己條 c 向度喊...
跟住就去返意外現場, 原來係發生交通意外, 我搭緊果部巴士衝左去一座工廠大廈, d 消防員向度救緊人...
醒左之後, 諗返起都好驚, 我驚一我死左之後, 屋企人唔知點算.....
 有 d 人話, 夢見自己死左係反映現實生活中唔知會有 d 咩事發生架...但會係咩事呢 ? 有冇人識解夢呀 ? 11月22日 公司差 d 火燭呀...11月14日 - 公司差 d 火燭呀...
今日到左下午 5 點幾, 正在同同事打牙骹, 突然見到老闆娘部電腦出煙呀 ! (老闆娘部電腦係長期開住既, 而佢今日就上左廠)
搵極都唔見部機後面既 on/off 制, 即刻叫工程部大佬出黎, 佢一手就將電線拔走 !
個個都話好在咋, 如果遲半個鍾後先冒煙, 實火燭都似. 11月18日 公司攪笑語錄 #1今日個有個 '古寒' 鬼分享小食 (芝士餅乾)...
g : 比多包黎啦~
y : 要咁多包做咩呀, 成日收收埋埋, 唔好咁貪心喎
g : 你唔比 ? 你餓到暈既時候唔好過黎 R 野食 (我 d 儲備), 我一定見死不救, 休得你暈, 最多叫阿 t 同你做人工呼吸 !
e : 咁益佢 ?
t 聽到話要同 y 做人工呼吸即話 : chi sin, 咪休得佢暈囉 !
y 聽到話 t 同佢做人工呼吸即話 : 咁你休得我死啦 !
呢個 moment 笑死我同 e 屎屎吓 wakakakakakakaka....
過左一陣, 又講左另一話題 '養寵物 vs 養小朋友'
y : 養寵物最多咪陪人十幾年...
e : 咁養寵物冇教個人仔咁勞氣, 生舊叉燒好過啦, 不過你 (y) 又唔食紅肉...
t 搭咀 : 唔聽話 (人仔), 要咁長命黎做咩呀 ?
e : 你指個小朋友定大人呀 ?
y : 小朋友應該好長命喎
t 又搭咀 : 緊係個大人啦
e : 即係叫你 (y) 快 d 冚頭埋牆屎左佢囉~
嘩 ! 我同 e 又笑屎左 wakakakakakaka.... |
, 不過個皮好脆, 好味.
)
|
|
